Соңғы қоңырау-2017

       «Б.Садырбайұлы атындағы  орта мектебі, мектепке дейінгі шағын орталығымен» коммуналдық  мемлекетік  мекемесінде 2016-2017 оқу жылының аяқталуына байланысты жоспарға сәйкес мектеп оқушылармен 25 мамыр «Сыңғырла соңғы қоңырау» тақырыбында  салтанатты жиын өтті.Мектеп алаңы шарлар мен жалаушалармен безендірілді. Жиынға ұстаздар, 1-11 сынып оқушылары толықтай және мектеп  ата-аналары шақырылды.  Аудандық маслихат депутаты, Молықпай мәдениет   үйінің директоры Досмұхамбетов Асхат Сейденұлы мен аудандық білім бөлімінің әдіскері Исаева Жадыра Әбуғалиқызымен  ауыл әкімі Байболов  Берік Тұрлыұлы келіп қатысып оқу жылының аяқталуымен ұстаздарды және мектеп оқушыларын құттықтады.
        Мектеп қабырғасынан ұшқалы отырған жас түлектерге ақ жол тілеп алдағы емтиханнан және ҰБТ-дан сүрінбей, жоғары жетістіктер көрсетулеріне ізгі ниет білдірді.    Ардагер ұстаздарға және мектеп мұғалімдеріне гүл шоқтарын ұсынды. Биылғы оқу жылында зейнеткерлікке шығып отырған  мектеп директорының шаруашылық  ісі жөніндегі орынбасары Қуандықов Нұрғали Батырханұлын  құттықтап, иығына шапан жауып, «Құрмет  грамотасымен» марапаттады. Он бірінші сынып ата- аналарының атынан  Өмірсерік Айбектің    апасы зейнеткер  Құрманғабылова Күлсән  апа сөз сөйлеп жас түлектерге  ақ жол тіледі.

        Соңғы қоңырау соғу рәсімі 11 сынып оқушылары мен 1 сыныптан жоғары балл алған оқушыларға  тапсырылды.
<!-- [if !supportLineBreakNewLine] -->
<!-- [endif] -->