22
октябрь
2018
Қамқорлық көрсетуге асығайық
Қаракөз ауылдық округі бойынша жалғызбасты ана Мәнібекова Тайтөлеу апаның үйіне көмек қолын созып, 8-сынып оқушылары барды. Қарт адамға үнемі қолдарынан келген көмекті аямауға тәрбиелеу мақсатында ұйымдастырылған. «Қарт пен баланың көңілі ұқсас» деген сөздің жаны бар. Бір ауыз сөзге қуанып, бір ауыз сөзден көңілдеріне кірбің алып қалатын бала жүректі қариялардың бабын табу оңай емес. Дегенмен, мектебіміздің «Жас Ұлан» мектепішілік комитеті қарттардың көңіл кілтін тауып, реті келіп жатса қуантып қоюға тырысады. Үй ауласының тазалығына, қысқы маусымға даярлық жұмыстарына өз септігін тигізіп, қарттардың ілтипатына бөленді.