"Физика пәнін оқытудағы педагогикалық технологияның тиімділігін арттыру"

Б.Садырбайұлы атындағы орта мектебінде ағымдағы жылдың қараша айының 25  күні "Физика пәнін оқытудағы педагогикалық технологияның тиімділігін арттыру" тақырыбында аудандық  семинар өтті. Семинар аудандық білім беруді дамыту оқыту-әдістемелік орталығының әдіскері Болат Нұрмұханұлының ұйымдастыруымен және аудан  мектептерінен физика пәнінен сабақ беретін мұғалімдер қатысуымен өткізілді. Семинар аудандық ББ әдіскері Болат Нұрмұханұлы мен мектеп психологі Асқар Алтыбайұлының психологиялық тренингімен басталды. Семинарда  Матай орта мектебінің  физика пәні мұғалімі А.Тынышбаева 9-сынып оқушыларымен "Ньютонның екінші заңы"  және мектептің физика пәні мұғалімі М.Елеуова мен бастауыш сынып мұғалімі Б.Рысбекованың 7-сынып оқушыларымен "Күш.Күштің түрлері" тақырыбында тәлімгермен бірлескен фрейм сабақ көрсетті. Сонымен қатар Ғ.Орманов атындағы орта мектебінің физика пәні мұғалімі С.Ораз  " Оқушылардың физика пәнінен қызығушылығын арттырудағы жаңа педагогикалық технологиялардың рөлі", Қаракемер орта мектебінің физика пәні мұғалімі С. Әбдікәрім " Оқытудың инновациялық технологияларын физика сабағында пайдалану тиімділігі " , Ю.Гагарин орта мектебінің физика пәні мұғалімі С.Бексан " Физика сабағын оқыту және оқудағы жаңа әдіс-тәсілдерді қолдану тиімділігі" тақырыптарында мұғалімдермен коучинг өткізді.